26 мамырда Қарабатанға апаратын тас жолда бір бағытта келе жатқан «Skoda Rapid» және «ВАЗ-2114» көліктері соқтығысқан. Әлеуметтік желіде тараған видеодағы көрініс қорқынышты, бағанаға соғылған көліктің бірі жапырылып қалған. Бір ғажабы, адамдар аман-сау.
Атырау облыстық полиция департаментінің мәліметінше, жол апатының салдарынан «ВАЗ-2114» көлігінің 23 жастағы жүргізушісі мен 18 жастағы жолаушысы, сондай-ақ «Skoda Rapid» көлігіндегі жасқа толмаған сәби түрлі дене жарақатымен ауруханаға жатқызылды. Тергеу амалдары жүргізілуде.
Ләззат ҚАРАЖАНОВА