В Атырау -10 
Биылғы оқу жылында 200 мектепте 137 747 адам білім алды. 5999 түлек мектеп бітіріп, жаңа өмірге қадам басуда.
– Мектептегі демалыс кезінде мектеп ғимараттары мен жолдарды жөндеуді жоспарлап отырмыз. Бұдан басқа, мектептердегі білім сапасын арттыру, білім ошақтарымызға нағыз кәсіби мамандарды, жоғары санатты ұстаздарды шақыруды мақсат етіп отырмыз. Биыл 6 жаңа мектеп, келесі жылы тағы 10-ға жуық мектеп пайдалануға беріледі деп күтілуде. Осылайша облыс орталығындағы үш ауысымдық жұмыс мәселесін шешеміз, – деді №38 мектеп-лицейде (бұрынғы СТГ) өткен салтанатты жиында сөз сөйлеген Атырау қаласының әкімі Мейірім ҚАЛАУИ.
11-сыныптың 4789 түлегі ҰБТ-ға қатысуға ниет білдірді. Облыстың 10 оқушысы халықаралық олимпиадалардың жеңімпазы, 55-і республикалық олимпиадалардың үздігі атанды.
«Алтын белгі» төсбелгісіне 244 үміткер, «Ерекше үлгідегі аттестатқа» 243 үміткер бар.
Зульфия ИСКАЛИЕВА
Суреттер мен бейнежазбаны түсірген Еламан НУХИН