Малшы бес айдан кейін даладан өлі табылды

Былтыр желтоқсан айының 16-сы күні Қызылқоға ауданы Кенбай елді мекеніне қарасты «Азамат» ШҚ малшысы - 42 жастағы Өзбекстан азаматы далаға шығып кетіп, оралмаған. Бірнеше күн бойына жүргізілген іздеу жұмыстары өз нәтижесін бермегеннен кейін іздестіру тоқтатылған.

Жақында Қызылқоға АПБ учаскелік инспекторы Е. Сағытжанов өзіне белгіленген аумақты тексеру барысында «Азамат» ШҚ-нан 3 шақырым жерден белгісіз адамның мүрдесін тауып алған. Мүрдеге сот-медициналық сараптама жүргізіліп, оның бес ай бұрын қыста жоғалып кеткен малшы Н.Б. екені анықталды.

Ләззат ҚАРАЖАНОВА