Атырауда VIP нөмірлерді сатып алу кезінде алаяқтық жасалған

«Көп сұранысқа ие» нөмірлерді сатып алу кезінде жалған түбіртектердің пайдаланылғаны белгілі болды. 

- Сатып алынған нөмірлердің сомасы мен бюджетке түскен нақты кірісті салыстыру нәтижесінде 5 млн теңгеден астам төлемнің жоқтығы анықталды. Яғни, VIP нөмірлерді ұнататындар ақшаны төлегені туралы жалған түбіртек пайдаланған, - дейді қала прокуроры Аршат ТАЙТУЛЛИН. 

Аталған факті бойынша қала прокуратурасы ҚР ҚК-нің 190-бабының 3-бөлігі ("Алаяқтық") және 385-бабының 3-бөлігі ("Көлік құралдарын басқаратын адамдардың жол жүрісі немесе көлік құралдарын пайдалану қағидаларын бұзуы") бойынша сотқа дейінгі тергеу амалдарын бастады, тергеу жұмыстары жүргізіліп жатыр. 

Зульфия ИСКАЛИЕВА