Атырауда күйіп қалған бала көп

Атырауда балалар арасында күйік алғандар саны айтарлықтай өсті. 6 жағдай өліммен аяқталды. 2021 жылдың 4 айында 137 бала күйіп қалған, оның ішінде 121-і термиялық, 10-ы химиялық күйік, 6-уы электр күйігі. Бағымызға орай, зардап шеккендердің бәрі аман.

Ал осы жылдың қаңтар-сәуір айларында 185 күйік тіркелген, оның 163-і термиялық, 20-сы химиялық және 2-уі электр күйігі, алты бала көз жұмған.

Бұл бізге мектептегі каникул қарсаңында ұсынылған облыстық балалар ауруханасының деректері.

– Осындай зақым түрін алған балалар көп, оның негізгі себебі – ата-ананың назар аудармауы, оларды қараусыз қалдыруы. Ересектер телефонға, қоңырауларға, қолданбаларға алаңдап, жазатайым жағдайлар орын алып жатады, – дейді облыстық балалар ауруханасы директорының орынбасары Орындық СИПЛОВА. - Оңалту процесі өте ұзақ болады. Сәби аман қалса, үлкен бақыт. Көп жағдайда өмір бойына тыртық қалып қояды. Бала өскен сайын физиологиялық процесске байланысты оған пластикалық хирургия қажет болады.

Зульфия ИСКАЛИЕВА