В Атырау -10 
Атырау облысы бойынша Сыбайлас жемқорлыққа қарсы қызмет мемлекеттік қызметшілердің кәсіпкерлік қызметпен заңсыз айналысу фактілерін анықтау мақсатында мониторинг жүргізді. Осындай 9 факті анықталып, заң бұзушыларға жалпы сомасы 3,8 млн теңге айыппұл салынды.
Мәселен, Атыраудағы орта мектептердің бірінің директоры директорлықты бизнеспен ұштастырып, одан 2021 жылы 190 мың теңге табыс тапқан.
- Лауазымды тұлғаның 190 000 теңге көлеміндегі заңсыз кірісі тәркіленіп, 428 820 теңге әкімшілік айыппұл салынды, - деп хабарлады жергілікті Антикор.
Еске салсақ, қолданыстағы заңнамаға сәйкес, мемлекеттік қызметшілер кәсіпкерлік немесе өзге де ақы төленетін қызметпен айналыса алмайды, сондай-ақ коммерциялық ұйымды басқаруға қатыса алмайды.
Айнұр САПАРОВА