Каспий жағалауында қырылған итбалық пен бекіре табылды

1 038 просмотра

Фото предоставили в управлении рыбной инспекции по Мангистауской области

Маңғыстаудағы Форт-Шевченко теңіз портының аумағындағы жағалаудан 60-тан астам итбалық пен бірнеше бекіре тұқымдас балық өлексесі табылды, деп хабарлады "Лада" басылымы.

Мамандар қырылып қалған итбалық саны 64, ал балық бесеу екенін анықтады. Олар Урдюк мүйісінен Баутино шығанағына дейінгі жағалауға шығарылған. Оқиғаның себебін анықтау үшін жергілікті билік экологтармен бірлесіп жұмыс тобын құрды.

"Итбалық пен бекіре өлексесінің жағалауға шығарылуы оңтүстік-батыстан соққан жойқын жел салдарынан туындап отыр. Олар әбден сасып, шіри бастаған. Зертханалық сараптама жүргізу үшін тіндерінің сынамалары алынып, мұздатқыш камераға қойылды. Сонымен қатар су мен ауа сынамасы алынды", - деді Маңғыстау облысы балық инспекциясының басқармасында.

Сәуірде Маңғыстауда осы секілді жағдай болды – ол кезде жағалаудан қырылып қалған жүзге жуық итбалық табылды. Экологтар олар қыста қырылған деген болжам жасады.

16 мамыр 2022, 09:26

WhatsApp арқылы хабар жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.