Бес кәсіпорында қазақстандық жұмысшыларға жалақыны аз төлеген

Атырауда екі айлық тексеру жұмысы барысында ҚР еңбек заңнамасын бұзу фактілері, атап айтқанда, қазақстандық және шетелдік қызметкерлерге еңбекақы төлеудегі айырмашылық анықталды.

Мемлекеттік еңбек инспекциясының Атырау облысы бойынша басқармасының басшысы Игілік ӘУБӘКІРОВТІҢ айтуынша, бұл «Болашақ Атырау» ЖШС, «Фиркрофт Инжиниринг Сервисиз Лимитед Қазақстан» ЖШС, «ZONT» ЖШС, «ZONT» ЖК, «FSSA» ЖШС-не қатысты. Сонымен қатар, мысалы, «Болашақ Атырау» ЖШС-де қазақстандық және шетелдік жұмысшылар санының арақатынасы сақталмағаны анықталды.

Компанияларды жауапкершілікке тарту және заң бұзушылықтарды жою шаралары жүргізілуде, деп хабарлады И.Әубәкіров.

Айнұр САПАРОВА