Атырау, 2 шілде 09:37
 бұлттыВ Атырау +22
$ 466.44
€ 487.71
₽ 8.56

Баспана нарығы 22 процентке бәсеңдеп қалды

492 просмотра

Биыл сәуір айында тұрғын үйді сатып алу және сату бойынша 52 520 мәміле тіркелді. Бұл көрсеткіш наурыз айымен (67 801) салыстырғанда 22,5%-ке төмен болып тұр, деп хабарлайды Sputnik Қазақстан ұлттық статистика бюросына сілтеме жасап.

Өткен айда Қарағанды облысында ең көп үйді сатып алынды. Осы аймақта 8 898 келісімшарт жасалды. Одан кейін Алматы (6 583) және Нұр-Сұлтан (5 900) тұр. Ал Солтүстік Қазақстан облысында небәрі 958 мәміле тіркелген. Бұл – республика бойынша ең төменгі көрсеткіш. Қазақстандықтар көп пәтерлі үйлердегі баспананы көбірек алады.

Барлығы 38 149 келісімшарт тіркелген. Соның ішінде 2 бөлмелі пәтерлер жоғары сұранысқа ие. Сәуір айында 15 мыңнан астам екі бөлмелі пәтер рәсімделді, ал бір бөлмелі пәтерді 13 мың адам алған. Жеке үйлер бойынша 14 371 мәміле рәсімделді. Алматы, Қызылорда және Солтүстік Қазақстан облыстарының тұрғындарды жер үйді жиі алады.

Биыл сәуірде тұрғын үйді сатып алу-сату мәмілелерінің саны былтырғы тиісті айымен салыстырғанда 12 процентке азайды. Әсіресе, Маңғыстау облысында үйді сатып алу-сату көрсеткіші (48,9%) күрт төмендеп қалды.

Айта кетері, 1 сәуірден бастап Қазақстанда зейнетақы жинағының бір бөлігін мерзімінен бұрын пайдалану шегі көтерілген болатын. Одан асқан ақшаны тұрғын үйді сатып алуға, емделуге және инвестициялық компаниялардың басқаруына беруге мүмкіндік жасалған.

12 мамыр, 15:29

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.