Нұр-Сұлтанда сегізінші қабаттан құлаған баланы құтқарушы марапатталды

Нұр – Сұлтанда сегізінші қабат биіктігінен құлаған баланы құтқарған адам марапатталды, деп хабарлайды ҚазТАГ төтенше жағдайлар министрлігінің баспасөз қызметіне сілтеме жасап.

"Бүгін ТЖМ-де бірінші вице-министр генерал-лейтенант Күлшімбаев Ибрагим батыр-азамат Шонтақбаев Сәбитті "Төтенше жағдайдағы ерлігі үшін" төсбелгісімен марапаттады. Ол елордадағы баланы терезеден құлаудан құтқарды", - делінген сәрсенбіде.

 Оқиғаның өзі күннің бірінші жартысында болды.

"11 мамыр күні сағат 10.21-де Ұлы Дала көшесі 27/1 бойында сегізінші қабат деңгейінде бала ілініп тұрғаны туралы хабарлама келіп түсті. Шақырту орнына жеке құрамның жеті адамы және екі бірлік техникасы бар Нұр-сұлтан қаласының ТЖД бөлімшелері жедел жіберілді. Келген сәтте сегізінші қабаттағы балконның карнизіне ілінген баланы ер адам құтқарғаны анықталды", - деп нақтылады ведомстводан.

ТЖМ мәліметінше, 2019 жылы туған қыз құлаған кезде ата-анасымен үйде болған, сол сәтте баланың жанында ешкім болмаған.

"Бақытымызға орай, біздің кейіпкеріміз 1985 жылы туған Шонтақбаев Сәбит жылап жатқан баланы көріп, ойланбастан және өз өмірін қатерге тігіп, құтқару бойынша іс-әрекет жасады және санаулы секундтарда кішкентай қыздың өмірін сақтап қалды. Құрметті ата-аналар, бұл баланың аман-есен құтқарылуының қуанышты сәті, бірақ қайғылы оқиғамен аяқталатын көптеген фактілер бар. Балаларды ересектердің қарауынсыз қалдырмаңыз! Үйде кішкентай бала болса, терезені ашық қалдырмаңыз, өйткені бір секундқа алаңдау жеткілікті, бұл баланың өміріндегі соңғы сәт болуы немесе оны мәңгілікке мүгедек етуі мүмкін", - деп шақырды ТЖМ.