Атыраудың 33 мектебінде желідегі «ересек» сайттарға шектеу қойылмағаны, ал 9 білім беру мекемесінде интернеттің мүлдем болмағаны анықталды.
Қала прокуратурасының білім беру мекемелеріне жүргізген талдау жұмыстарының нәтижесі осындай.
- Қазір мектептер интернетпен қамтамасыз етілді, ал интернет бар жерлерде оқушыларға тыйым салынған сайттарға кіруге бұғат салынып, 40 мыңнан астам оқушының құқығы қорғалды, - деді Атырау прокуроры Аршат ТАЙТУЛЛИН.
Заң бұзушылыққа жол берген мектеп басшылары тәртіптік жауапкершілікке тартылды.
Дайындаған Зульфия ИСКАЛИЕВА