Украинадағы соғыс: 71-күн

Украинаның шығысындағы өндіріс орындарына шабуыл жасалып, соның салдарынан Авдиевка қаласында жұмыс істейтін 10 адам көз жұмды.

Бұл туралы "Atameken Business" каналы хабарлады. Белгілі болғандай, зауыттағы жұмыс аяқталған соң, аялдама жанында автобус күтіп тұрған жұмысшылар жарылыс құрбаны болған.

Металлургиялық комбинат басшылығы, Ресей әскері шабуыл жасағандықтан, халықты қауіпсіз жерге көшіру керек деп дабыл қаққан. Алайда олар еш әрекет етіп үлгермеген.

* * *

10.43 Джо Байден осы аптада G7-нің басқа көшбасшыларымен Ресейге қарсы ықтимал қосымша санкциялар туралы сөйлесетінін айтты. Оның Қаржы министрі Джанет Йеллен АҚШ-тың серіктестерімен бұл мәселені үнемі талқылайтынын мәлімдеді.
Владимир Зеленский Ресеймен болып жатқан соғысқа қарамастан Украинада қайтадан бейбітшілік орнайды деп сенетінін айтты, бірақ Украинада болып жатқан оқиғаның Еуропаның қалған бөлігі үшін маңызды салдары болатынын ескертті. Дания халқына фашистік басқыншылардан азат етілгеніне 77 жыл толуына орай сөйлеген сөзінде ол: «Біздің азаттық күніміз жақындап қалды деп ойлаймын», - деді.

10.40 Екінші эвакуация операциясы кезінде қоршаудағы Мариуполь қаласынан тағы 344 адам құтқарылды, Украина президенті Владимир Зеленский ұлттық үндеуді растады.
Ресей «Азовсталь» зауытынан бейбіт тұрғындарды көбірек эвакуациялауға мүмкіндік беру үшін бейсенбіден бастап үш күндік күндізгі атысты тоқтату келісімін ұстанатынын айтты. «5-7 мамырда (Мәскеу уақыты бойынша таңғы сағат 8-ден кешкі 6-ға дейін) Ресей Қарулы Күштері бейбіт тұрғындарды эвакуациялау үшін «Азовсталь» металлургиялық зауытының аумағынан гуманитарлық дәліз ашады», - делінген Қорғаныс министрлігінің хабарламасында.

10.19 Украина президенті Владимир Зеленский видео үндеуде билік Мариупольдегі «Азовсталь» зауытынан адамдарды эвакуациялау үшін қолдан келгеннің бәрін жасап жатқанын айтты.

«Келісім жасап, Мариупольдегі Азовстальдан адамдарды құтқаруды жалғастырамыз деп үміттенеміз. Ол жерде әлі де бейбіт тұрғындар, әйелдер, балалар қалды. Оларды құтқару үшін тыныштық режимін жалғастыру керек. Украин тарапы бұған дайын. Адамдарды жертөлелерден, жер астындағы панажайлардан шығару үшін ғана уақыт керек. Қазіргі жағдайда үйіндіні тазарту үшін арнайы техниканы пайдалана алмаймыз. Барлығы қолмен жасалып жатыр. Бірақ біз бәрі ойдағыдай болатынына сенеміз», - деді Мемлекет басшысы.

10:00 Украина билігі соғыс жағдайы кезінде ер азаматтардың шетелге шығуына шектеу шараларын жеңілдету мүмкіндігін қарастыруда. Бұл туралы «Украина 24» эфирінде президент кеңсесі басшысының кеңесшісі Алексей Арестович мәлімдеді.

* * *

AP: Мариупольде әуе соққысынан қираған драма театрда 600-ге жуық адам опат болды.

Ресей әскерінің 16 наурызда Мариупольдегі драма театрға жасаған әуе соққысынан шамамен 600 адам қаза тапты.

Театр ғимаратына мыңға жуық адам тығылған, деп жазды Associated Press. Агенттік осы оқиғаны зерттеген.

Журналистер әуе соққысынан аман қалған 23 адаммен, құтқарушылармен, театр ғимаратын жақсы білетіндермен сөйлесіп, соққыға дейін және кейін түсірілген суреттер мен видеоларды сараптады. Бұл ақпарат театрдың 3D-нұсқасын жасауға қажет болды. Куәгерлер соның көмегімен адамдар театрдың қай жерлерін паналағанын журналистерге көрсетті.

16 куәгер ғимаратта адам көп болғаны сонша, әрбір үш шаршы метрге бір адамнан келетінін орналасқанын айтты. Адамдар бөлмелерде, дәліздерде отырған. Ғимарат маңындағы асханада жүзге жуық адам болған. Олардың бәрі қаза тапты.

Соққыдан аман қалған екі адам театрда 300-ге жуық адам опат болды деп есептеген. Қала билігі де әуелі осы мәліметті жариялаған. Мариуполь полициясының бір қызметкері мен Қызыл Крест өкілі әуе соққысынан кем дегенде 500 адам қаза тапты деп болжады. Associated Press мәйіттердің кейбірін ресейлік әскерилер алып кеткен деп топшылады.

Агенттік зерттеушілері соғыс жағдайында нақты қанша адам қаза тапқанын анықтау мүмкін еместігін ескертті.

Әуе соққысы қарсаңында спутниктен түсірілген суретте театр ғимараты алдында "дети" деген жазу анық көрініп тұр. ЕҚЫҰ театрға жасаған шабуылды халықаралық гуманитарлық құқықты бұзу, әскери қылмыс деп атады.

Ресей қорғаныс министрлігі Мариуполь драма театрын осы ғимаратқа жасырынған украин әскерилері жарды деп мәлімдеді, біраұ дәлел ұсынбады.

Мариуполь – Азов теңізіндегі портты қала. Жергілікті билік кем дегенде 20 мың адам қаза тапқанын хабарлады. Қаладағы құрылыстардың 90 пайызы қираған.

Материалдар theguardian.com, kz.kursiv.media, "Адырна", Азаттық радиосы басылымдарынан алынды.