Атыраулықтарға митинг өткізетін үшінші орын белгіленді

Егер бұрын азаматтар Ретро-саябақта және «Салтанат Сарайы» ғимаратының жанындағы Жұмекен Нәжімеденов ескерткіші жанында жаппай акция өткізуге құқылы болса, енді олар «Мұнайшы» стадионы алдындағы көлік тұрағына да өз пікірін білдіріп, жинала алады.

Атырау қаласы прокуратурасының наразылығы негізінде қалалық ішкі саясат бөлімі «Бейбіт жиындарды өткізудің кейбір мәселелері туралы» Атырау қаласы мәслихатының жаңа шешімінің жобасын әзірледі. Ол қалалық мәслихаттың кезекті сессиясында бекітіліп, 21 сәуірде нормативтік құқықтық актілер тізіліміне тіркелді. Прокурорлық әрекет етуге заң бойынша бейбіт митингілер өтетін үш орын болуы керектігі себеп болды.

Пикеттер бойынша, керісінше, жаңа шешім күшейген. Бұрын пикет нысаннан кемінде 150 метр қашықтықта өтуі керек болса, енді ол кемінде 400 метр болуы керек.

Ал наразылық білдірушілер топ болып бір бағыт бойынша: Н.Тілендиев көшесінің бойымен «ҚазТрансОйл» акционерлік қоғамының Атырау мұнай құбыры басқармасы ғимаратынан бастап Жеңіс саябағына дейін жүріп өте алады.

Зульфия ИСКАЛИЕВА