Атырауда жыл басынан бері қараусыз жануарлардың қатысуымен 10 жол-көлік оқиғасы орын алған. Мысалы, 5 сәуір күні Hyundai County көлігі темір жол көпірінің жанында жылқыны қағып кеткен.
Жылқы иесіне ӘҚБтК-нің 408-бабының 2-бөлігі («Жеке тұлғалардың мүлкіне залал келтіруге әкеп соққан ауыл шаруашылығы жануарларын жаю қағидаларын бұзу») бойынша 30 630 теңге көлемінде айыппұл салынды.
Атырау облысы ПД баспасөз қызметінің хабарлауынша, жыл басынан бері мал жаю ережесін бұзған 50 адам әкімшілік жауапкершілікке тартылған.
Полицейлер қалада және республикалық маңызы бар жолдардың бойында қадағалаусыз мал жаю жол-көлік апатына әкелуі мүмкін екенін ескертеді.
Дайындаған Ләззат ҚАРАЖАНОВА