Атырау, 26 маусым 04:20
 ашықВ Атырау +31
$ 470.90
€ 496.94
₽ 8.83

Әділет вице-министрі жаңадан тағайындалды

788 просмотра

Наталья Пан ҚР әділет вице-министрі қызметінен босатылды, деп хабарлайды Zakon.kz.

Қазақстан Республикасы Үкіметінің Қаулысымен Алма Қайратқызы Мұқанова ҚР әділет вице-министрі лауазымына тағайындалды, делінген ҚР Премьер-министрінің баспасөз қызметі хабарламасында.

Алма Мұқанова 1988 жылы Шығыс Қазақстан облысында дүниеге келген. Қазақ гуманитарлық заң университетін, The University of Warwick (Ұлыбритания) тәмамдаған.

Еңбек жолын 2006 жылы «ҚазРуно» АҚ маманы болып бастаған.

2010-2012 жылдары — «Қазақ гуманитарлық заң университеті» АҚ маманы.

2012-2015 жылдары ҚР Әділет министрлігінің Заңнама департаментінің қылмыстық іс жүргізу және қылмыстық атқару заңнамасы және қорғаныс саласындағы заңнама басқармасы сарапшысының м. а., сарапшысы, бас сарапшысы қызметтерін атқарды.

2015-2017 жылдары — ҚР Әділет министрлігінің Заңнама департаментінің экологиялық заңнама және өнеркәсіп пен көлік саласындағы заңнама басқармасының басшысы.

2017-2021 жылдары — ҚР Әділет министрлігінің Заңнама департаменті директорының орынбасары.

2021 жылғы мамыр айынан бастап қазірге дейін ҚР Әділет министрлігінің Заңнама департаментінің директоры қызметін атқарды.

18 сәуір, 23:18

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.