Ойыл арнасынан шығып кетті - Қызылқоға ауданында төтенше жағдай жарияланды

Ойыл өзені арнасынан асып, Миялы ауданы орталығын еріген су басу қаупі төніп тұр. Мұндай жағдай 1993 жылдан бері болмаған. Атырау облысы әкімдігінің баспасөз қызметінің хабарлауынша, осыған байланысты Қызылқоға ауданында төтенше жағдай жарияланған.

- Мен он күн бұрын су ауылды айналып өту үшін «Миялы – Қарабау - Индер» тас жолын бұзу жөнінде әкімшілікке айттым, - дейді Миялы тұрғыны, белсенді Есенбай НҰРОВ. 

Тас жол учаскесі 14 сәуірде бұзылды. Қауіп жойылғаннан кейін ол қалпына келтіріледі.

Қазіргі таңда Миялы ауылының батыс бөлігінде қорғаныс үшін 300 тонна құм төгіліп, 500-ден астам топырақ толтырылған қапшық қойылды. Оқиға орнында ТЖД қызметкерлері 3 ауыр техникамен және жергілікті жастар арасынан 70-тен астам еріктілер жүр.

Мамандардың айтуынша, еріген су әлі де келеді.

ТЖД хабарлағандай, «жағдай бақылауда».

 Ләззат ҚАРАЖАНОВА