Атырау мен Астрахань арасындағы әуе рейстері қайта жанданады

Qazaq Air аптасына 2 рет қатынау жиілігімен Атыраудан Астраханьға халықаралық рейстерді қалпына келтіреді, деп хабарлайды ҚР Индустрия және инфрақұрылымдық даму министрлігі.

«26 сәуірден бастап қазақстандық Qazaq Air әуе компаниясы Атырау мен Астрахань қалалары арасында аптасына 2 рейс жиілігімен халықаралық рейстерді қалпына келтіреді.

Рейстер сейсенбі және сенбі күндері Bombardier Q400 ұшағымен орындалады», - делінген хабарламада.