Облыстық табиғи монополияларды реттеу департаменті «Атырау» ӘКК» АҚ қызметінен заң бұзушылық белгілерін анықтады.
Бәсекелестікті қорғау және дамыту агенттігінің хабарлауынша, «Атырау» әлеуметтік-кәсіпкерлік корпорациясының тұрғын үйлер, монша, көлік жуу орындарын, яғни инвестициялауға жататын үкімет белгілеген басым қызмет түрлерінің тізіміне енбеген нысандарды салу үшін жер телімін бергені анықталды.
Осыған байланысты «Атырау» ӘКК-не ҚР-ның бәсекелестікті қорғау саласындағы заң бұзушылықтарды жою туралы хабарлама жолданды, ол күнтізбелік 30 күн ішінде орындалуы тиіс. Орындалмаған жағдайда монополияға қарсы орган тексеру тағайындайды.
Дайындаған Айнұр САПАРОВА