Атырау, 29 наурыз 19:58
 ашықВ Атырау +1
$ 448.15
€ 483.46
₽ 4.86

Тамара Дүйсенова еңбек министрі болып тағайындалды

1 025 просмотра

Президент Қасым-Жомарт Тоқаевтың жарлығымен Тамара Дүйсенова министр болып тағайындалды, деп хабарлайды Zakon.kz.

Бұл туралы Ақорда сайтында хабарланды.

Тамара Босымбекқызы Дүйсенова Қазақстан Республикасының Еңбек және халықты әлеуметтік қорғау министрі болып тағайындалсын, ол Қазақстан Республикасы Президентінің көмекшісі – Қазақстан Республикасы Президенті Әкімшілігінің Өтініштерді қарауды бақылау бөлімінің меңгерушісі лауазымынан босатылсын, – делінген хабарламада.

Осылайша Тамара Дүйсенова Президенті әкімшілігінің Өтініштерді қарауды бақылау бөлімінің меңгерушісі лауазымынан босатылды.

Тамара Дүйсенова Оңтүстік Қазақстан облысында туған. 1987 жылы Ташкент халық шаруашылығы институтын бітірді, мамандығы - инженер - экономист, экономика ғылымдарының кандидаты.

Тамара Дүйсенованың еңбек өтілі:

  • Еңбек жолын 1988 жылы институтты аяқтағаннан кейін Оңтүстік Қазақстан облысы Сарыағаш ауданындағы орта мектебінің информатика пәнінің мұғалімі қызметінен бастады.

  • 1988 - 1992 жылдары Өзбек ССР-нің Мемлекеттік жоспарлау комитетінің Экономика ғылыми зерттеу институтының экономисі болып жұмыс істеді;

  • 1992-1993 жылдары - Оңтүстік Қазақстан облысы Сарыағаш аудандық әкімшілігінің аға экономисі;

  • 1993-1994 жылдары - «Перизат-холдинг» компаниясының бөлім басшысы;

  • 1994-1997 жылдары - Сарыағаш ауданы әкімінің кеңесшісі, орынбасары, бірінші орынбасары;

  • 1997-1999 жылдары - Шымкент қаласы әкімінің бірінші орынбасары;

  • 1999- 2002 жылдары - Оңтүстік Қазақстан облысы әкімінің орынбасары;

  • 2002-2006 жылдары - Қазақстан Республикасы Еңбек және халықты әлеуметтік қорғау министрлігінің вице - министрі;

  • 2006 - 2008 жылдары - Оңтүстік Қазақстан облысы әкімінің орынбасары;

  • 2008 – 2013 жылдары Қазақстан Республикасы Еңбек және халықты әлеуметтік қорғау министрлігінің жауапты хатшысы;

  • 02.2013-06.2013 – Еңбек және халықты әлеуметтік қорғау вице-министрі;

  • 2013-2014 – Еңбек және халықты әлеуметтік қорғау министрі;

  • 2014-2017 – ҚР Денсаулық сақтау және әлеуметтік даму министрі;

  • 2017-2018 – Еңбек және халықты әлеуметтік қорғау министрі;

  • 2018-2019 – «Nur Otan» париясының хатшысы.

  • 07.2019-05.2020 – «Адам ресурстарын дамыту орталығы» АҚ басшысы;

  • 05.05.2020 жылдан бастап Қазақстан Президентінің көмекшісі – ҚР Президенті Әкімшілігінің Өтініштерді қарауды бақылау бөлімінің меңгерушісі.

11 сәуір 2022, 11:35

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.