Атырау облысында жаңа қаулы күшіне енді

Атырау облысының бас мемлекеттік санитар дәрігерінің ағымдағы жылғы 31 наурыздағы «Атырау облысындағы коронавирус инфекциясының профилактика шаралары туралы» жаңа қаулысы шықты.

Атырау облысы халқы арасында COVID-19 коронавирус инфекциясы таралуының алдын алу мақсатында ҚАУЛЫ ЕТЕМІН:

Атырау облысының тұрғындарына:

• Қазақстан Республикасы Бас мемлекеттік санитариялық дәрігерінің  2022 жылғы 25 наурыздағы №16 қаулысына сәйкес барлық медициналық ұйымдарда, үй карантиніндегі талаптарды сақтау барысында, пенитенциарлық (қылмыстық-атқарушы) жүйесі мекемелеріне және басқа да объектілерде маска  кию режимін сақтау қажет;
• халықтың көп жиналатын орындарында, қоғамдық және әуе көліктерінде, ұйымдасқан ұжымдарда медициналық масканы пайдалану ұсынылады.
• Атырау қаласы және аудандар әкімдері, мемлекеттік органдар, құқық қорғау және арнайы органдар, меншік нысанына қарамастан және ведомстволық бағыныстағы білім беру ұйымдары, «Атамекен» ҰКП (келісу бойынша), компаниялар, меншік нысанына қарамастан заңды тұлғалар қамтамасыз етсін:
• Қазақстан Республикасы Бас мемлекеттік санитариялық дәрігерінің 25.03.2022 жылғы №16 қаулысына сәйкес қызметтің әрбір түрі үшін бекітілген талаптар мен алгоритмдерді сақтауды;
• Қазақстан Республикасы Бас мемлекеттік санитариялық дәрігерінің 25.03.2022 жылғы №18 және Қазақстан Республикасы Бас мемлекеттік санитариялық дәрігерінің 25.08.2021 жылғы №36 қаулыларына сәйкес 2021-2022 оқу жылында барлық меншік нысанындағы және ведомстволық бағыныстағы білім беру ұйымдарында оқуды;
• Қазақстан Республикасы Бас мемлекеттік санитариялық дәрігерінің 14.03.2022 жылғы №14 қаулысына сәйкес «Ashyq» мобильді қосымшасын субъектінің шешімі бойынша ерікті түрде, қызметіне шектеу қоймай пайдалануды;

Атырау облысы Денсаулық сақтау басқармасының басшысы қамтамасыз етсін:

• облыс тұрғындары арасында вакцинация және ревакцинация жүргізуді;
• Қазақстан Республикасы Бас мемлекеттік санитариялық дәрігерінің 13.01.2022 жылғы №2, 18.02.2022 жылғы №11 және 25.03.2022 жылғы №16 қаулылары талаптарының орындалуын;

Атырау облысының Бас мемлекеттік санитариялық дәрігерінің 2022 жылғы 18 наурыздағы №4 «Атырау облысындағы карантиндік шектеу шаралары туралы» қаулысының күші жойылды деп танылсын.

Осы қаулының орындалуын бақылауды Атырау облысының санитариялық-эпидемиологиялық бақылау департаменті басшысының орынбасары Г.А.Ирбатыроваға жүктеймін.

Осы қаулы қол қойылған күннен бастап заңды күшіне енеді.

Атырау облысының Бас мемлекеттік санитариялық дәрігері М.Танауов