"Лексустың" балалы әйелді қағып кеткен видеосы жарияланды

ЖКО 28 наурызда Привокзальныйда болған. Көлік жүргізген әйел бір жасар баласы бар ананы қағып кетті. Соқтығыс салдарынан бала әртүрлі дене жарақаттарын алып, облыстық балалар ауруханасының травматология пунктіне жеткізілді.

"28 наурыз күні сағат 14:00 шамасында Атырау қаласы, Берғалиев көшесінде орналасқан үйлердің бірінің тұсында 1979 ж.т. азаматшаның басқаруындағы маркасы Lexus RX300 автокөлігімен солға бұрылу кезінде жолдан өтіп бара жатқан жаяу жүргінші 1982 ж.т. азаматшаны және 2021 ж.т. баланы қағып кеткен.

Соқтығыс салдарынан 2021 ж.т. бала әр-түрлі дене жарақатын алып, Атырау облыстық балалар ауруханасының травматология пунткіне жеткізілген. 

Қазіргі уақытта автокөлік арнайы тұраққа қойылып, тиісті іс-құжаттар жинақталуда", - делінген Атырау облыстық ПД хабарламасында.