«Әлем. Өнер. Әсер»

Осындай тақырыпта Ш.Сариев атындағы облыстық көркемсурет және қолданбалы-сәндік өнер музейінде ҚР Суретшілер Одағының мүшесі, Махамбет атындағы академиялық қазақ драма театрының бас суретшісі Темірбек МҰХТАРОВТЫҢ  жеке шығармашылық көрмесі ашылды. Тақырыбы расында да бұл оқиғаның маңызын көрсеткендей: бұл әлем де, өнер де және үлкен әсер.

Көрмеге Т.Мұхтаровтың театр қойылымдарына дайындаған 50 ге жуық жұмыстары қойылған. Олар республикалық, халықаралық театр фестивальдарында биіктен көрінген.      

- Осы кезге дейін 50 спектакль қойған екенмін. Көрмеге әрқайсының тек бірер нышандарын алып келдік. Көрмеге келгендер өнер әлеміне өз бағасын беріп, рухани ләззат алады деп сенемін, - дейді шебер.

Көрме 20 сәуірге дейін жалғасады.

Нұрбейбіт НҰҒЫМАНОВ

Сурет пен бейнежазбаны түсірген автор