"Оскар" алған туындылар белгілі болды

Биыл алғаш рет ұйымдастырушылар сегіз санат бойынша жеңімпаздарды рәсім басталғанға дейін жариялау туралы шешім қабылдады. Лос-Анджелесте "Оскар" киноакадемиясының тоқсан төртінші марапаттау рәсімі басталды, деп хабарлайды Sputnik.

Биыл алғаш рет ұйымдастырушылар сегіз санат бойынша жеңімпаздарды рәсім басталғанға дейін жариялау туралы шешім қабылдады (макияж және шаш үлгісі, ерекше музыка, қойылым, дыбыс, монтаж, қысқа анимациялық фильм, қысқа деректі фильм және қысқа көркем фильм).

Уилл Смит – үздік актер

Голливуд актері Уилл Смит "King Richard" ("Король Ричард") фильмі үшін "Үздік ер адам рөлі" номинациясында "Оскар" жеңіп алды.

Уилл Смиттің бұл номинациядағы бәсекелестері Хавьер Бардем ("Рикардо болу"), Дензел Вашингтон ("Макбет трагедиясы"), Бенедикт Камбербэтч ("Ит билігі") және Эндрю Гарфилд ("Тик-так-бум" мюзиклі) болды.

Джессика Частейн "Үздік әйел рөлі" үшін "Оскар" алды

Джессика Частейн "Тэмми Фэй көзі" фильміндегі рөлі үшін "Үздік әйел рөлі" номинациясында марапатқа ие болды. Онымен бірге Николь Кидман ("Рикардо болу"), Оливия Колман ("Бейтаныс қыз"), Пенелопа Крус ("Параллель аналар") және Кристен Стюарт ("Спенсер") сияқты танымал актрисалар бұл марапатқа ұсынылды.

"Дөң" операторлық жұмыс және визуалды эффект үшін "Оскарға" ие болды

Дени Вильневтің "Дөң" фильмі АҚШ-тың "Оскар" киноакадемиясының марапатына операторлық жұмыс пен визуалды эффект үшін ие болды.

Операторлық жұмысы үшін "Оскарды" Крейг Фрейзер алды, ал төрт адамнан тұратын команда визуалды эффект үшін марапатқа ие болды.

Бұған дейін "Дөң" "үздік дыбыс", "үздік монтаж", "қоюшы-суретшінің үздік жұмысы", "фильмге үздік музыка" сияқты төрт санат бойынша "Оскарға" ұсынылды. Сондай-ақ фильм "жылдың үздік фильмі" атағы үшін таласады.

"Энканто" үздік толықметражды анимациялық фильм атанды

Диснейдің "Энканто" мультфильмі "толықметражды анимациялық фильм" санатында АҚШ-тың "Оскар" киноакадемиясының марапатына ие болды, деп хабарлады ұйымдастырушылар.

"Энканто" бұл санатта "Лука" (Walt Disney Animation) мультфильмін, дат режиссері Йонас Поэр Расмуссеннің "Қашу", "Митчеллге көліктерге қарсы" (Sony pictures animation) және Диснейдің "Рая және соңғы айдаһар" картинасын артта қалдырды.

Трой Коцур мен Ариана ДеБос екінші пландағы рөлдері үшін "Оскарға" ие болды

Трой Коцур "CODA: саңырау ата-аналардың баласы" фильміндегі рөлі үшін АҚШ-тың "Оскар" киноакадемиясының марапатын жеңіп алды. Марапатты алған Коцурдың құлағы естімейді, ол жеңісін есту қабілеті нашар адамдарға арнады.

Екінші пландағы үздік әйел рөлі үшін марапатты "Вестсайд тарихы" мюзиклінің актрисасы Ариана ДеБос алды.

"Белфаст" үздік сценарий үшін "Оскар" алды

Кеннет Брана "Белфаст" фильмінің өзіндік сценарийі үшін АҚШ-тың "Оскар" киноакадемиясының марапатын алды, "CODA" фильмінің сценарисі және режиссері Шан Хейдер ең жақсы бейімделген сценарий үшін марапатқа ие болды.

Екі фильм де "Жылдың үздік фильмі" номинациясында "Оскарға" ұсынылды.

Джейн Кэмпион – үздік режиссер

Жаңа Зеландиялық Джейн Кэмпион "Иттің билігі" фильміндегі режиссерлік жұмысы үшін АҚШ-тың "Оскар" киноакадемиясының марапатын жеңіп алып, осылайша ол "Оскарға" екі рет ұсынылған алғашқы әйел болды.

Билли Айлиш "Өлетін уақыт емес" фильмінің әні үшін "Оскар" жеңіп алды Әнші Билли Айлиш Джеймс Бондт туралы "Өлетін уақыт емес" фильміндегі әні үшін АҚШ-тың "Оскар" киноакадемиясының марапатына ие болды.

Марапатты Айлишпен бірге оның авторы және үлкен ағасы Финнеас О'Коннелл алды.

Осы санаттағы марапат үшін "Энканто" мультфильміндегі әуендер, "Төрт жақсы күн", "Король Ричард" және "Белфаст" фильмдері де ұсынылған.