Атырауда азық-түлік, гигиеналық және жуу-тазалау құралдары қымбаттады

– Өткен аптада әкімдік пен ӘКК-ге бағаның көтерілгені туралы ақпарат жолдадық. Позициясына, өндірушіге, жеткізушіге байланысты баға әртүрлі өсіп жатыр. Шұжық өнімдері 5-10%, сүт өнімдері 5-18%, 20-30%, ірімшік 11-15%, балық өнімдері 8-10%, 10-35%-ға, шаруашылық тауарлары 3-38%, 2-28%, 6-40%-ға қымбаттады, – дейді «Идеал Маркет» ЖШС директоры Әсет ҒАЛЫМЖАН.

Оның айтуынша, шетелден әкелінетін көптеген импорттық тауарлардың: гигиеналық құралдар, атап айтқанда, жөргек, кір жуатын ұнтақ, сусабын, ұн, қарақұмықтың қымбаттағаны байқалады.

«Идеал» желісінде қанттың келісі 349 теңге, «Лидерде» 345 теңге, «Эконом-плюсте» 335 теңге. Қазіргі уақытта желіде 3 айлық қант қоры бар. Бірақ қазір қант жеткізушілер келесі партияның қымбат болатынын ескертті.

Ресей қант пен дәнді дақылдарды экспорттауға тыйым салуына байланысты бұл өнімдердің құны қымбаттады. Оның үстіне санкцияның кесірінен бұрын Қазақстанға Ресей арқылы бізге келетін тауар ағыны жабылды. Қазіргі уақытта біздің кәсіпкерлер жаңа, мысалы, Түркия арқылы логистикалық бағыттарды қарастыруда.

Қазірдің өзінде базарлардан үйреншікті азық-түлікті, мысалы, «Пестравка» ірімшіктері мен майларын табу қиын. Кәсіпкерлер мұны біріншіден, санкцияларға байланысты ресейліктер енді ішкі нарыққа көбірек өнім қалдыруға тырысады, екіншіден, тағам қоспалары мен олардың қаптамасы шетелден жеткізілетіндіктен, Ресейде кейбір өндіріс тоқтап қалды, үшіншіден, көршілеріміз арқылы өтетін жеткізу арнасы жабық деп түсіндіреді.

Қазақстандық өндірушілер де бағаны көтеріп, мұны доллардың көтерілуімен және жанар-жағармай шығындарымен түсіндірді. Қала тұрғындары наурызда бағаның қаншалықты көтерілгенін байқап, таң қалды. Орта есеппен ет 100-150 теңгеге, жеміс-жидек 100-300 теңгеге қымбаттады. Дәнді мандариндер қазір 1100-1200 теңге тұрады, ал ай басында оларды 800-900 теңгеге сатып алуға болатын еді; алма 450-550 теңге болды, ал бүгінде 600-700 теңге.

Ә.Ғалымжанның айтуынша, жеміс-жидек пен көкөніс жеткізушілер көтерме сатып алушылар үшін де бағаны көтереді. Бірақ супермаркеттер «Атырау» ӘКК-ге үміт артады. Егер ол тауарды қолайлы бағамен жеткізе алса, бұл мәселені шешеді.

Жалпы, кәсіпкерлердің сөзін түйіндей келе, бағаның көтерілуі өндірушілер мен жеткізушілердің жаңа бағаларымен, доллар бағамының өсуімен, операциялық шығындардың, соның ішінде логистика мен жанар-жағармай шығындарының өсуімен түсіндіріледі деген қорытынды жасауға болады.

Зульфия ИСКАЛИЕВА