16 наурызда сағат 8:30-да Атырау - Индер тас жолында Toyota Camry автокөлігі жолдың қарсы бетіне шығып Skoda маркалы полицияның қызметтік көлігімен бетпе бет соқтығысты. Апат салдарынан 7 адам әртүрлі дене жарақатымен ауруханаға жеткізілді. Екі күннен кейін, яғни 18 наурызда Skoda-да болған Махамбет ауданы полиция бөлімінде еңбек ететін 33 жастағы қызметкер ауруханада көз жұмды. Артында үш баласы қалды.
ҚР ҚК-нің 345-бабы 3-бөлігі бойынша қылмыстық іс көтеріліп, тергеу жүріп жатыр.
Ләззат ҚАРАЖАНОВА