7 наурызда түске дейін түзеу мекемесінде жазасын өтеп жатқан 24 жастағы жігіт екі мылтықтың қайда жасырылғанын хабарлады.
Тексеру барысында ақпарат расталды: қару табылып, тәркіленді. Аталған факті бойынша ҚР Қылмыстық кодексінің 287-бабының 2-бөлігі («Қаруды, оқ-дәрілерді, жарылғыш заттарды және жарылғыш құрылғыларды заңсыз алу, беру, өткізу, сақтау, тасымалдау немесе алып жүру») бойынша сотқа дейінгі тергеу амалдары жүргізілуде.
Сондай-ақ, 7 наурызда, бірақ кешкі уақытта «Қару-2022» жедел-профилактикалық іс-шарасы барысында 23 жастағы жігіт полицияға пневматикалық тапаншаны тапсырған. Оны Жайық жағасынан тауып алғанын айтты.
Аталған факті бойынша ҚР Қылмыстық кодексінің 287-бабының 1-бөлігі бойынша сотқа дейінгі тергеу амалдары жүргізілуде. Қарудың қайдан шыққаны анықталуда.
- ҚР Қылмыстық-процестік кодексінің 201-бабына сәйкес өзге мәліметтер жария етілмейді, - деп хабарлады департамент.
Дайындаған Айнұр САПАРОВА