Украинадағы жағдай: келіссөздердің екінші раунды, атом электр станциясындағы өрт

3 наурызда Ресей – Украина келіссөздерінің екінші раунды өтті. Тараптар үш маңызды мәселені талқылап, гуманитарлық дәліздерді бірлесіп қамтамасыз ету бойынша келісімге келді, деп хабарлайды Zakon.kz.

Саясат және экономика

• Келіссөздер барысында Ресей мен Украина делегациялары негізгі үш мәселені талқылады: әскери, гуманитарлық және қақтығысты саяси реттеу. Тараптар уақытша атысты тоқтату туралы бітімге келіп, гуманитарлық дәліздерді бірлесіп қамтамасыз етуге келісті.

• Киев пен Мәскеу келіссөздерді жалғастыруға келісті, үшінші раундты мүмкіндігінше тезірек өткізу жоспарлануда.

• Ақ үйдің баспасөз хатшысы Джен Псакидің айтуынша, Ресейді БҰҰ Қауіпсіздік кеңесінен шығару мәселесі қаралып жатқан жоқ.

• Пентагон қақтығыстардың алдын алу үшін Ресей Қорғаныс министрлігімен байланыс желісін құрып жатқанын айтты.

• Украинада Ресейге шалынатын телефон қоңыраулары бұғатталды.

• Украина жағында соғысқысы келетін Чехия азаматтары өз елінде жазаға тартылмайды.

• Гаага трибуналының тергеушілері Украинаға барды.

• Джонсон Зеленскиймен сөйлесу барысында Запорожье атом электр стансасы төңірегіндегі жағдайға байланысты таяу сағаттарда БҰҰ қауіпсіздік кеңесінің шұғыл отырысын шақыратынын мәлімдеді.

Әскери іс-қимылдар

• Запорожье АЭС-індегі өрт станция аумағынан шеткері жерде болды. Радиациялық фонда өзгерістер байқалған жоқ.

• МАГАТЭ: АЭС маңындағы өрт стансаның «негізгі жабдықтарына» әсер еткен жоқ.

• Ресей армиясы Украинаның Запорожье облысындағы Бердянск және Энергодар қалаларын, сондай-ақ Запорожье атом электр станциясы маңындағы аумақтарды өз бақылауына алды.