Атырауда қалалық прокуратура тексеру жүргізіп, оның барысында 5 емханада тегін ПТР сынама жасау үшін жолдаманың заңсыз берілгені анықталды.
Қала прокурорының орынбасары Нұржан ӘБІЛОВТЫҢ айтуынша, №4 емханада тегін ПТР сынамасынан өтпеген 20 адамға заңсыз жолдама берілген. Соның салдарынан бюджетке 162 мың теңге кем түскен.
– Осындай заңбұзушылықтар №3, №5, №7 қалалық емханалар мен Геологтағы емханадан да анықталды. Прокурорлық әрекет ету шараларымен 1,5 миллионнан астам теңге бюджетке қайтарылды, кінәлілер жауапқа тартылды, – дейді Н.Әбілов.
Дайындаған Айнұр САПАРОВА