В Атырау -10 
Атырауда «Автобус» жедел профилактикалық іс-шарасы барысында патрульдік полиция қызметкерлері жолаушылар тасымалдауды жүзеге асыратын көлік құралына жалған мемлекеттік белгі орнатқан 34 жастағы жүргізушіні ұстады.
Заң бұзған жүргізушіге қатысты ҚР ӘҚБтК-нің 590 бабының 4 бөлігімен («Көлік құралына жалған мемлекеттік белгі орнатып жүргізген») әкімшілік хаттама толтырылды.
«Автобус» жедел профилактикалық іс-шарасы біздің қаламызда 21 ақпаннан бастап жүріп жатыр. Осы уақыт ішінде қоғамдық көлік жүргізушілері 15 мәрте жол ережесін бұзған.
- Бұл шара барысында қоғамдық көліктердің техникалық жай күйі тексеріліп, мүмкіндігі шектелген азаматтарға арналған пандустардың бар-жоғына басты назар аударылды, - деді Атырау облысы полиция департаментінің бастығы Нұрхат ОРАЗБАЕВ.
Дайындаған Ләззат ҚАРАЖАНОВА