Жолаушылардың мазасын алған мас жолаушы қамауға алынды

Көліктегі полиция департаменті баспасөз қызметінің мәліметінше, 25 жастағы Көкшетау тұрғыны «Нұр-Сұлтан - Атырау» рейсінің бортында мас күйде лайықсыз мінез көрсетіп, жолаушылардың мазасын алған. Оны ұшақ Атырау әуежайына қонғаннан кейін ұстады.

- Ұстау кезінде құқық бұзушы полиция қызметкеріне қарсылық көрсетіп, оның формасын жыртып, дене жарақатын салған, - дейді Көліктегі полиция департаменті басқармасының бастығы Оңал БЕКИЕВ. – Аталған факт ҚР Қылмыстық кодексінің 380-бабы («Билік өкіліне күш қолдану») бойынша сотқа дейінгі тергеп-тексерудің бірыңғай тізіліміне тіркелді.

Ұсталған азамат уақытша ұстау изоляторына қамалды.

Дайындаған Ләззат ҚАРАЖАНОВА