25 ақпан күні күндіз Әбілқайыр хан даңғылы бойында Changan CS55 автокөлігі жол жиегіндегі ағаштарға соқтығысып аударылған. Апат салдарынан жүргізуші мен екі жолаушы ауруханаға жеткізілген.
Анықталғандай, 63 жастағы жүргізушінің қан қысымы көтеріліп, көлікті басқара алмай қалған. Атырау облыстық полиция департаментінің мәліметінше, қазір тергеу амалдары жүргізіліп жатыр.
Дайындаған Ләззат ҚАРАЖАНОВА