Таиланд астанасының атауы өзгерді: енді Бангкок жоқ

Таиланд астанасының ресми атауы енді Бангкок болмайды. Бұл туралы Корольдік қоғамның кеңсесі (ORST) жариялады және министрлер кабинеті мақұлдады, - деп хабарлайды Kaz.tengritravel.kz тілшісі Турпром сайтына сілтеме жасап.

Оның орнына қалаға тарихи атау - Крунг Тхеп Маха Нахон қайтарылады. Алайда, жаңа ресми атау барлық заң жобасын тексеруге жауапты комитет тексергеннен кейін қабылданады.

Жаңашылдық көпшіліктің көңілінен шықпағаннан кейін ведомство Facebook-тегі парақшасында құжаттардағы Бангкоктың ескі атауын ресми атаудан кейін жақшада қолдануға болатынын хабарлады.

Айта кетейік, Бангкок атауы 2001 жылдың қарашасынан бастап сол бөлімнің бұйрығымен қолданылып келеді.