Атырау облысында бір тәулікте 10 адам COVID-19 жұқтырған

Өңірде коронавирус инфекциясын жұқтырғандардың саны азайғаны байқалады, деп хабарлайды облыстық денсаулық сақтау басқармасының баспасөз қызметі. 

Соңғы тәулікте өңірде коронавирустық инфекциямен 10 науқас анықталды. Атап айтқанда, Атырау қаласында Covid-19 жұқтырудың 4 жағдайы расталды, ал, 3 науқас -  Теңіз кен орнында анықталған, 1 науқас - Жылыой ауданында, 1 науқас - Индер ауданында анықталды. 

Коронавирустық инфекциясы бар 5 науқаста ауру тиісті белгілермен өтуде, 5 адамда ауру белгілері жоқ.

Өткен тәулікте облыста коронавирустан 156 адам емделді.

Қазір 796 адам үй жағдайында, екінші облыстық ауруханада  - 10, модульдік ауруханада - 63 фтизиопульманологиялық орталықта - 6 адам, аудандық инфекциялық стационарларда - 13 емделіп жатыр. Теңіз кен орнындағы инфекциялық стационарда науқас жоқ.

Айта кетейік, инфекцияның таралу қарқыны бойынша Атырау облысы "жасыл" аймақта.