В Атырау 0 
14 ақпанда Атырау облысында барлық сынып оқушылары мектепке барады.
– Үшінші тоқсан басталғалы мектептердің көпшілігінде орта және жоғары сынып оқушылары онлайн режимде білім алуда. Эпидемиологиялық жағдайдың тұрақтануына байланысты келесі аптадан бастап Атырау облысындағы мектептерге офлайн режимде жұмыс істеуге рұқсат етілді, – дейді облыстық басқарма басшысының орынбасары Айнагүл ДҮЙСЕКЕНОВА. – Бірақ егер оқушылардың бірінен коронавирус анықталса, онда бүкіл сынып 2 аптаға қашықтан оқытуға жіберіледі. Оқушының ата-анасы ауырып қалса, ол науқаспен байланыстағы адам деп есептеліп, онлайн оқитын болады.
А.Дүйсекенова білім беру ұйымдары барлық санитариялық-эпидемиологиялық талаптарды қатаң сақтайтынын: сыныптарды желдетіп, кварцтап, есік тұтқаларын антисептикалық құралдармен өңдеп, дәретханаларды әр 2-3 сағат сайын тазалайтынын және т.б. атап өтті.
Зульфия ИСКАЛИЕВА