Өңірде коронавирустық инфекциямен сырқаттанушылықтың төмендеуі байқалады, деп хабарлайды Атырау облысы Денсаулық сақтау басқармасының баспасөз қызметі.
Соңғы тәулікте өңірде коронавирустық инфекциямен 32 науқас анықталды. Атап айтқанда, Атырау қаласында Covid-19 жұқтырудың 25 жағдайы расталды. Ал, 3 - Жылыой ауданында, 2 - науқас Құрманғазы ауданында, 1 науқас - Мақат ауданында, 1 науқас - Махамбет ауданында анықталды.
Коронавирустық инфекциясы бар 14 науқаста ауру тиісті белгілермен өтуде, 18 адамда ауру белгілері жоқ.
Өткен тәулікте облыста коронавирустан 314 адам емделді.
Қазір 2 256 адам үй жағдайында, екінші облыстық ауруханада - 16, модульдік ауруханада - 102 фтизиопульманологиялық орталықта - 22 адам, аудандық инфекциялық стационарларда - 38. Теңіз кен орнындағы инфекциялық стационарда 1 науқас емделдіп жатыр.
Айта кетейік, инфекцияның таралу қарқыны бойынша Атырау облысы "сары" аймақта.