«Олар полицейлердің мүгедек баламды ұрып-соққанын тергейін деп жатқан жоқ»

Атырау қалалық полиция бөлімінде соққыға жығылған 18 жастағы мүгедек Серік ҚОЖАНИЯЗОВТЫҢ әкесі уәде етілген қызметтік тергеудің іс жүзінде жүргізілмей жатқанына наразы.

- 7 қаңтарда үйде болдым. Балам Артурдың досы қоңырау шалып, баламның қалалық полиция басқармасында соққыға жығылғанын, қазір облыстық ауруханаға апара жатқанын айтты. Мен жедел ауруханаға барып, дереу 102-ге хабарласып, сол жерге ішкі қауіпсіздік қызметкерлерін жіберуді өтіндім. Бірақ ешкім келмеді. Баламның жеке заттарын алып кету үшін қалалық бөлімге бардық, – дейді Серік Қожаниязов.

Ер адамның айтуынша, баласы оған «Байзаар» сауда орталығының алдында камуфляж киген адамдар келіп, өздерін таныстырмағанын айтқан. Артур оларға жеке куәлігі мен мүгедектік куәлігін көрсеткен. Олар телефонын беріп, PIN-код енгізуді талап ете бастапты.

– Балам телефонын беруден бас тартқан. Сол кезде оны қалалық полиция басқармасына апарған. Ұлым бірінші қабаттан бесінші қабатқа көтерілген кезде, өзінің қайда әкелгенін көру үшін басын көтеріпті. Сол кезде қызметкер ұлымды қабырғасынан автоматпен бірнеше рет ұрған. Ол жанына батып айқайлаған, - деп сөзін жалғастырады Серік Қожаниязов.

Әрі қарай, оның айтуынша, Артурға сержант келіп (оның сол күндері қызметке жіберілген су полициясының қызметкері екені кейін белгілі болды), оның шашынан ұстап, ұра бастаған.

– Балам мүгедек куәлігін көрсеткен, бірақ сержант оның жалған екенін айтып, құжатты жерге лақтырып жіберіпті. Арада 10 минут өткен соң астигматизммен ауыратын баламның жағдайы нашарлаған, бірақ сержант алдаудың қажеті жоқ екенін айтып, баламның зейнетақысы мен жеке заттарын алып кеткен.

Әкесі мен баласы Артурдың заттарын алу үшін ҚПБ ғимаратының бақылау-өткізу пунктіне (БӨП) жақындағанда, олар сол сержантты көріпті. Артур сол екенін айтқан.

– БӨП-те майор тұрды – мен оған: мына сержант менің баламды ұрып-соғып, ақшасын ұрлап кетті, дедім. Майор дереу сержантқа «жоғал» деді. Кейін қалалық полиция басқармасы бастығының міндетін атқарушы Ерлан Биғамбаевқа жолықтық. Ол арыз жазсақ, сол іспен айналысатындарын айтты.

Қожаниязовтардың арызы бір күннен кейін тіркелді, бірақ неге екені белгісіз, ішкі қауіпсіздік басқармасына емес, ... учаскелік инспекторға түскен. Қожаниязовтар бұл туралы бес күннен кейін ғана хабардар болды. Серік Қожаниязовтың пікірінше, бұл шағымды шын мәнінде ешкім қарамайтын сияқты. Айтпақшы, олар облыстық прокуратураға шағымданғанымен, әзірге ешқандай жауап жоқ.

Біздің сайттағы осы жарияланымнан кейін Атырау облысы ПД баспасөз қызметінен мынадай хабарлама келді: «Қалалық полиция басқармасына Қожаниязовтан түскен арыз бойынша өзіндік қауіпсіздік басқармасы қызметтік тексеру жүргізіп жатыр».

Фархат АБИЛОВ