Атырауда полиция құтқарушы рөлін атқарды

Түнгі сағат бірдің шамасында полицияға Вокзал маңы ықшам ауданындағы көпқабатты үйдің 3-қабатындағы балконнан кішкентай бала тұрғаны туралы хабарлама түсті. Оқиға орнына полиция қызметкерлері Гизатолла Рахметов пен Мадиев Файзолла келді.

Пәтердің есігі құлыптаулы тұрған. Полицейлер жоғары қарай өрмелеп, баланы аман-есен құтқарып алды. Пәтерде бүлдіршіннен басқа адам болмаған.

Кейін 4 жасар баланың ата-анасы оны құрбысына уақытша қарай тұруға тастаған едік деп түсіндірген, ал ол пәтерді құлыптап, кілтті подьезд ішіне жасырып кеткен. Ата-анасы баланы қауіптен сақтап, құтқарған полицейлерге алғысын жеткізді. 

Атырау облысы полиция департаменті балалардың қауіпсіздігіне жауапкершілікпен қарауға және оларды жалғыз қалдырмауды сұрайды.

Ләззат ҚАРАЖАНОВА

Сурет пен бейнежазба ПД