Кәріз құдығына лас су төккен

Атырауда 21 қаңтарда сағат 17 шамасында полиция басқармасының Жедел басқару орталығының бейнебақылау қызметкерлері Темірханов көшесі бойындағы кәріз құдығына лас су төгіп жатқан “Газ-3309-1357” маркалы автокөлігін байқап қалды. Сол жерге дереу жіберілген патрульдік полиция қызметкерлері көлігінің мемлекеттік белгісі оқылмайтын күйде болған 31 жастағы жүргізушіні анықтады. 

Жүргізушіге ҚР ӘҚБтК-нің 505-бабының 2-бөлігімен ("Қалалар мен елді мекендердің аумақтарын абаттандыру қағидаларын бұзғаны үшін")  және 590-баптың 1-бөлігімен ("Мемлекеттік тіркеу нөмері белгілері оқылмайтын немесе стандарт талаптарына сәйкес келмейтін немесе белгіленген орындардан тыс жерде орнатылғанғаны ұшын") әкімшілік хаттама  толтырылды. Оған 107 мың 205 теңге көлемінде айыппұл салынды.

Айта кетейік, 2021 жылы кәріз құдығына заңсыз лас су төккен 80-ге жуық жүргізуші әкімшілік жауапкершілікке тартылған.

Ләззат ҚАРАЖАНОВА

Бейнежазбаны ПД ұсынды