Атырау, 28 қаңтар 03:41
 бұлыңғыр боладыВ Атырау -5
$ 434.38
€ 486.33
₽ 5.52

Алматыда қаза болған 4 жасар қыздың отбасына пәтер беріледі

896 просмотра

Әкім Бақытжан Сағынтаев Алматыда 7 қаңтарда тәртіпсіздіктер кезінде қаза болған 4 жасар қыздың отбасына көңіл айтты, - деп хабарлайды Tengrinews.kz тілшісі әкімдіктің баспасөз қызметіне сілтеме жасап.

Әкімдік мәліметінше, Бақытжан Сағынтаев тәртіпсіздіктер кезінде қаза болған 4 жасар Айкөркем Мелдеханның отбасына барып, көңіл айтқан.

"Қала әкімі қыздың әкесі Айдос Мелдіханұлы мен анасы Динара Адамоваға орны толмас қайғыға байланысты көңіл айтты. Отбасына материалдық көмек көрсетілді. Оларға 3 бөлмелі пәтер беріледі ", - делінген хабарламада.

Тәртіпсіздіктер кезінде 4 жасар Айкөркем қаза болған, ал оның 15 жастағы әпкесі Жанель жарақаттанып реанимацияға түскен. Сағынтаев Жанельдің сауығып кетуін, ата-анасына төзімділік пен шыдамдылық тіледі, делінген хабарламада.

Айта кетейік, 7 қаңтарда Алматыдағы тәртіпсіздіктер кезінде 4 жасар қыз қаза тапқаны хабарланған болатын. Бұл туралы балалар омбудсмені Аружан Саин мәлімдеген еді.

14 қаңтар, 15:23

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.

Комментарий беру ажыратылған