Мас күйде қоршауға соғылды

3 қаңтарға қараған түні Атырау облысында мас жүргізуші полиция департаменті ғимаратының тас қоршауына соққан.

Мас күйінде Mitsubishi ISX көлігінің иесі Стройконтора маңындағы ПД ғимаратын қоршап тұрған қоршауға соғылған.

- Бұл жол-көлік оқиғасында зардап шеккендердің жоқтығына көз жеткізген полицейлер  ҚР Әкімшілік құқық бұзушылық туралы кодексінің 608-бабының 3-бөлігі бойынша материалдар жинақтады, - деп түсіндірді ПД баспасөз қызметі оқиғаға қатысты.

Айта кетейік, аталған бап бойынша көлік жүргізушісі 20 тәулікке әкімшілік қамаққа алу және 7 жыл мерзімге жүргізуші куәлігінен айыру түрінде жаза алуы мүмкін.

Дайындаған Зульфия ИСКАЛИЕВА