Атырау облысында коронавирус инфекциясын тарату жалғасуда, деп хабарлайды облыстық денсаулық сақтау басқармасының баспасөз қызметі.
Соңғы тәулікте өңірде коронавирус инфекциясымен 6 науқас анықталды. Атап айтқанда, Атырау қаласында Covid-19 жұқтырудың 6 жағдайы расталды.
Коронавирус инфекциясы бар 5 науқаста ауру тиісті белгілермен өтуде, 1 адамда ауру белгілері жоқ.
Өткен тәулікте облыста коронавирустан 14 адам емделді.
Қазір 82 адам үй жағдайында, модульдік ауруханада - 48, аудандық инфекциялық стационарларда - 12 науқас емделіп жатыр. Теңіз кен орнындағы инфекциялық стационарда науқас жоқ.
Айта кетейік, инфекцияның таралу қарқыны бойынша Атырау облысы "жасыл" аймақта.