Ұстаздық еңбегі үшін марапатталды

Тәуелсіздіктің 30 жылдығы қарсаңында ҚР президенті Қасым-Жомарт Тоқаев бірқатар азаматтарды марапаттады. Олардың қатарында біздің өңірдің тұрғындары да бар.

Соның ішінде, Бизнес және құқық колледжінің директоры, «Қазақстанның іскер әйелдері ассоциациясы» ҚҰ Атырау облысы бойынша төрағасы Нұрлы Әйтиева «Парасат» орденімен марапатталды. «Қазақстанның еңбек сіңірген ұстазы» құрметті атағы Н.Тілендиев атындағы Кіші өнер Академиясының ағылшын тілі пәнінің мұғалімі Дәріжан Төрехановаға табысталды. Оның көптеген шәкірті республикалық олимпиадаларда топ жарып жүр.

Дайындаған Айнұр САПАРОВА