18 желтоқсанда Доссор – Бейнеу тас жолының 15 шақырымында жол апаты болды. Полиция департаментінің хабарлауынша, Доссор поселкесіне қарай бағыттап келе жатқан Ravon P3 автокөлігі жолда екі сиырды қағып, соққы салдарынан жолдың қарсы бағытына шығып, Ford Galaxy автокөлігімен соқтығысып қалды.
Ravon P3 автокөлігінің 71 және 81 жастағы жолаушысы әр түрлі дене жарақатымен ауруханаға жатқызылып, қалған 9 адам дәрігерге қаралып, үйіне қайтарылған.
Аталған жол-көлік оқиғасына қатысты Мақат аудандық полиция бөлімі тергеу амалдарын жүргізуде.
Дайындаған Айнұр САПАРОВА