13 желтоқсан күні Дамбы ауылдық округінде 13 жасар қызды қаңғыбас иттер талап тастады.
Облыстық денсаулық сақтау басқармасының баспасөз қызметі зардап шегушінің облыстық балалар ауруханасына ауыр күйде жеткізілгенін хабарлады. Медиктер сол жақ иығында, бетінде терең жарақат барын, білектерінде, саны мен жамбасында жарақаттар барын анықтады.
Жыл басынан бері облыстық балалар ауруханасына жануарлар тістеген 400-ге тарта бала түскен. Оның ішінде 152 жағдайда қаңғыбас иттер таласа, 183 жағдайда үйдегі асыранды иттер тістеген. 15 баланы қаңғыбас мысықтар, 23 баланы үй мысықтары талаған.
Дайындаған Айнұр САПАРОВА