В Атырау +20 
Қазақстан Президенті Қасым-Жомарт Тоқаев дипломатиялық корпустағы жаңа тағайындау туралы жарлықтарға қол қойды.
Ермек Көшербаев Қазақстан Республикасының Австрия Республикасындағы Төтенше және Өкілетті Елшісі болып тағайындалды. Ол сонымен бірге Қазақстанның Вена қаласындағы халықаралық ұйымдар жанындағы Тұрақты өкілі болды.
Еркін Туқумов Қазақстанның Пәкістан Ислам Республикасындағы Төтенше және Өкілетті Елшісі болып тағайындалды. Ол бұрынғы атқарған лауазымынан босатылды.
Бұдан бөлек, Мемлекет басшысының жарлығымен Сәулекөл Сайлауқызы Қазақстанның Марокко Корольдігіндегі Төтенше және Өкілетті Елшісі және Қазақстанның Того Республикасындағы Төтенше және Өкілетті Елшісі міндетін қоса атқарушы лауазымдарынан босатылды.
Бүгін, 12:28