В Атырау +25.2 
Қазақстан мен Филиппин сауда-экономикалық, инвестициялық және саяси ынтымақтастықты айтарлықтай жандандыруға ниетті. Астанада Қазақстан Республикасы Сыртқы істер министрі Мұхтар Тілеуберді мен Филиппин Сыртқы істер министрінің орынбасары Лео М. Эррера-Лима арасында келіссөздер өтті.
Филиппин дипломаты Қазақстан астанасына ведомствоаралық саяси консультациялардың екінші раундына қатысу үшін келді.
Кездесудің басты нәтижелерінің бірі — Маниланың Астанада Филиппиннің толыққанды елшілігін ашу жоспарын талқылау болды. Қазақстан тарапы бұл шешімді құптап, тұрақты дипломатиялық өкілдіктің болуы іскерлік байланыстарды дамытуға және екіжақты әріптестікті нығайтуға тың серпін беретінін атап өтті.
Келіссөздер барысында дипломаттар мынадай мәселелерді талқылады:
өзара іскерлік байланыстарды дамыту және инвестициялар тарту;
БҰҰ мен Оңтүстік-Шығыс Азия мемлекеттері қауымдастығын (АСЕАН) қоса алғанда, халықаралық ұйымдар аясындағы байланыстарды нығайту;
тұрақты саяси диалогты қолдау.
Қазақстан Республикасының Сыртқы істер министрі Мұхтар Тілеуберді Астана мен Манила арасындағы қарым-қатынастардың оң динамикасын атап өтті. Сондай-ақ ол Нью-Йоркте өткен БҰҰ Бас Ассамблеясының 81-сессиясы аясында Филиппиннің Сыртқы істер министрі Мария Тереза Лазаромен жақында болған кездесуін еске салды.