В Атырау +22.8 
Атырауда 39 жасар Ерболат КЕНЖЕҒАЛИЕВ із-түссіз жоғалып кетті. 2 желтоқсанда Орал қаласынан нәпақа табамын деп келген ер адам жалдамалы пәтерге, кейін қонақ үйге орналасады. Туыстарына соңғы рет 3 желтоқсан күні хабарласыпты. Содан кейін телефоны өшірулі тұр.
Ерболаттың ағасы 8 желтоқсан күні Атырауға келіп, полицияға хабар берді.
- Ол Атырауға күзетші болып жұмысқа орналасамын деп кеткен. Қонақ үйде бірге тұрғандардың айтуынша, олар 4 желтоқсан күні таңертең бір компанияға әңгімелесуге шыққан, кейін түсінгенімдей, бірге ішімдік ішкен, бір подъезде түнеген. Менің ағамның қайда кеткенін естеріне түсіре алмай отыр, - дейді жоғалған жанның туысы. Ол Ерболат арасында ішімдік ішкенімен, жоғалып кетпейтінін баса айтты.
Полиция Ерболатты іздеу жұмыстары жалғасып жатқанын хабарлады.
Айнұр САПАРОВА