АҚШ-та жойқын құйыннан 80 адам қаза болды

Сенбіде шетелдік БАҚ америкалық Иллинойс, Миссури, Арканзас, Кентукки және Теннесси штаттарын басып өткен торнадо салдары туралы жазды. Табиғи апат салдарынан қазірдің өзінде 80 адам қаза тапқан. Құрбандар саны әлі де көбеюі мүмкін, - деп хабарлайды Tengrinews.kz.

Табиғат апаты Кентукки штатына орасан зор шығын әкелді, шам зауыты құлағаннан кейін ондаған адам із-түзсіз жоғалып кетті.

©Reuters

The Wall Street Journal мемлекетке келген зиян туралы жазды. Кентуккидегі кем дегенде бір қала "толық қираған болуы мүмкін", - деп жазды газет.

©Reuters

Twitter қолданушылары АҚШ-тың шығысындағы жойқын дауыл салдары түсірілген видео жариялады. Кадрларда бүкіл қала қирандыға айналғанын көруге болады.