​Атырау облысында бір тәулікте 6 адам Covid-19 жұқтырған

Атырау облысында коронавирус инфекциясын тарату жалғасуда, деп хабарлайды облыстық денсаулық сақтау басқармасының баспасөз қызметі. 

Соңғы тәулікте өңірде коронавирус инфекциясын жұқтырған 6 науқас анықталды. Атап айтқанда, Атырау қаласында Covid-19 жұқтырудың 2 жағдайы расталды. Индер ауданында  - 1, Исатай ауданында  - 1, Құрманғазы ауданында - 2 науқас анықталды. 

Коронавирус инфекциясы бар 3 науқаста ауру тиісті белгілермен өтуде, 3 адамда ауру белгілері жоқ. 

Өткен тәулікте облыста коронавирустан 3 адам емделді.

Қазір 99 адам үй жағдайында, модульдік ауруханада - 62, аудандық инфекциялық стационарларда - 21. Теңіз кен орнындағы инфекциялық стационарда - 13 науқас емделіп жатыр.

Айта кетейік, инфекцияның таралу қарқыны бойынша Атырау облысы "жасыл" аймақта.