«Мигрант» жедел-профилактикалық іс-шарасы аясында полицейлер депортациядан кейін құжат мәліметтерін өзгертіп, Атырауға заңсыз оралған Тәжікстанның 35 жасар азаматын ұстады. Бұрын ол такси қызметін көрсетіп, қоғамдық орында мас күйінде жүргені үшін елден шығарылған.
Атырау қалалық полиция басқармасы көші-қон бөлімінің басшысы Қадырбек Әбішевтің айтуынша, ұсталған тұлға өз кінәсін толық мойындады. 30 күнге әкімшілік қамауға алынған тәжік бауырымыз мерзімі аяқталған соң тағы да елден шығарылады.
Айнұр САПАРОВА